ghar pahunch kar dur jate raston ki sochna

ghar pahuñch kar duur jaate rāstoñ kī sochnā

tum se ho paa.e to mere fāsloñ kī sochnā

din guzar jaatā hai andar kā ḳhalā bharte hue

sher likhnā aur bojhal filoñ kī sochnā

rasmī lafzoñ se chukā kar kāġhazoñ ke qarz ko

jo nahīñ likkhe ga.e aise ḳhatoñ kī sochnā

dhund meñ lipTe hue shīshe pe likh kar koī baat

apnī be-matlab pareshāñ uñgliyoñ kī sochnā

raat bhar mahsūr logoñ kī duā.eñ māñgnā

phir abābīloñ kī un ke kankaroñ kī sochnā

khojte phirnā havā meñ apne kho.e lams ko

jo kabhī aa.e nahīñ un mausamoñ kī sochnā

ghar pahunch kar dur jate raston ki sochna

tum se ho pae to mere faslon ki sochna

din guzar jata hai andar ka KHala bharte hue

sher likhna aur bojhal filon ki sochna

rasmi lafzon se chuka kar kaghazon ke qarz ko

jo nahin likkhe gae aise KHaton ki sochna

dhund mein lipTe hue shishe pe likh kar koi baat

apni be-matlab pareshan ungliyon ki sochna

raat bhar mahsur logon ki duaen mangna

phir ababilon ki un ke kankaron ki sochna

khojte phirna hawa mein apne khoe lams ko

jo kabhi aae nahin un mausamon ki sochna