ghar se nikale panw to raste simaT gae

ghar se nikāle paañv to raste simaT ga.e

ham yuuñ chale ki raah ke patthar bhī hiT ga.e

ham ne khule kivāḌ pe dastak sunī magar

vo kaun log the ki jo aa kar palaT ga.e

dar band hī rakho ki havāoñ kā zor hai

ab ke khule kivāḌ to samho ki piT ga.e

ġhārat-garī-e-zor-e-talātum are ġhazab

kashtī ke bādbān havāoñ se phaT ga.e

sahrā kī tez dhuup ghane jañgaloñ kī chhāñv

in meñ mire nasīb ke din raat baT ga.e

shohrat kī aarzū ne kiyā be-vatan hameñ

itnī baḌhī ġharaz ki usūloñ se haT ga.e

jab jab bhī maiñ nai tark-e-vatan kā kiyā ḳhayāl

qadmoñ se mere gaañv ke raste lipaT ga.e

kin se kareñ shikāyat-e-jaur-o-sitam 'zafar'

apne gale to apne hī ḳhanjar se kaT ga.e

ghar se nikale panw to raste simaT gae

hum yun chale ki rah ke patthar bhi hiT gae

hum ne khule kiwaD pe dastak suni magar

wo kaun log the ki jo aa kar palaT gae

dar band hi rakho ki hawaon ka zor hai

ab ke khule kiwaD to samho ki piT gae

ghaarat-gari-e-zor-e-talatum are ghazab

kashti ke baadban hawaon se phaT gae

sahra ki tez dhup ghane jangalon ki chhanw

in mein mere nasib ke din raat baT gae

shohrat ki aarzu ne kiya be-watan hamein

itni baDhi gharaz ki usulon se haT gae

jab jab bhi main nai tark-e-watan ka kiya KHayal

qadmon se mere ganw ke raste lipaT gae

kin se karen shikayat-e-jaur-o-sitam 'zafar'

apne gale to apne hi KHanjar se kaT gae