ghar se nikle agar hum bahak jaenge

ghar se nikle agar ham bahak jā.eñge

vo gulābī kaTore chhalak jā.eñge

ham ne alfāz ko aa.ina kar diyā

chhupne vaale ġhazal meñ chamak jā.eñge

dushmanī kā safar ik qadam do qadam

tum bhī thak jāoge ham bhī thak jā.eñge

rafta-rafta har ik zaḳhm bhar jā.egā

sab nishānāt phūloñ se Dhak jā.eñge

naam paanī pe likhne se kyā fā.eda

likhte likhte tire haath thak jā.eñge

ye parinde bhī khetoñ ke mazdūr haiñ

lauT kar apne ghar shaam tak jā.eñge

din meñ pariyoñ kī koī kahānī na sun

jangaloñ meñ musāfir bhaTak jā.eñge

ghar se nikle agar hum bahak jaenge

wo gulabi kaTore chhalak jaenge

hum ne alfaz ko aaina kar diya

chhupne wale ghazal mein chamak jaenge

dushmani ka safar ek qadam do qadam

tum bhi thak jaoge hum bhi thak jaenge

rafta-rafta har ek zaKHm bhar jaega

sab nishanat phulon se Dhak jaenge

nam pani pe likhne se kya faeda

likhte likhte tere hath thak jaenge

ye parinde bhi kheton ke mazdur hain

lauT kar apne ghar sham tak jaenge

din mein pariyon ki koi kahani na sun

jangalon mein musafir bhaTak jaenge