gharon ko chhoTa dilon ko kushada-tar rakkha

gharoñ ko chhoTā diloñ ko kushāda-tar rakkhā

yuuñ shāḳh-e-naḳhl-e-tamanna ko be-samar rakkhā

gazīdgī se maiñ Dartā thā is liye maiñ ne

kitāb-e-‘umr kā har baab muḳhtasar rakkhā

mujhe yuuñ jānib-e-pindār zindagī laa.ī

mire ziyāñ se mirī maañ ko be-ḳhabar rakkhā

khulā nahīñ abhī dast-e-burīda tujh pe agar

to is faqīr ke kaase meñ kyoñ ye zar rakkhā

charāġh-e-zīst thā raushan havā kī zad meñ 'ahad'

ziyāñ-kade meñ thā to ḳhud ko be-sipar rakkhā

gharon ko chhoTa dilon ko kushada-tar rakkha

yun shaKH-e-naKHl-e-tamanna ko be-samar rakkha

gazidgi se main Darta tha is liye main ne

kitab-e-‘umr ka har bab muKHtasar rakkha

mujhe yun jaanib-e-pindar zindagi lai

mere ziyan se meri man ko be-KHabar rakkha

khula nahin abhi dast-e-burida tujh pe agar

to is faqir ke kase mein kyon ye zar rakkha

charagh-e-zist tha raushan hawa ki zad mein 'ahad'

ziyan-kade mein tha to KHud ko be-sipar rakkha