galiyon mein aazar bahut hain ghar mein ji ghabraata hai
galiyoñ meñ āzār bahut haiñ ghar meñ jī ghabrātā hai
hañgāme se sannāTe tak apnā haal tamāshā hai
bojhal āñkheñ kab tak āḳhir niiñd ke vaar bachā.eñgī
phir vahī sab kuchh dekhnā hogā sub.h se jo kuchh dekhā hai
dhuup musāfir chhāñv musāfir aa.e koī koī jaa.e
ghar meñ baiThā soch rahā huuñ āñgan hai yā rasta hai
aadhī umr ke pas-manzar meñ shāna-ba-shāna gām-ba-gām
tū hai ki terī parchhā.īñ hai maiñ huuñ ki merā saaya hai
ham sāhil kī sard havā meñ ḳhvāboñ se uljhe haiñ 'faroġh'
aur hamāre naam kā dariyā sahrā sahrā bahtā hai
galiyon mein aazar bahut hain ghar mein ji ghabraata hai
hangame se sannaTe tak apna haal tamasha hai
bojhal aankhen kab tak aaKHir nind ke war bachaengi
phir wahi sab kuchh dekhna hoga subh se jo kuchh dekha hai
dhup musafir chhanw musafir aae koi koi jae
ghar mein baiTha soch raha hun aangan hai ya rasta hai
aadhi umr ke pas-manzar mein shana-ba-shana gam-ba-gam
tu hai ki teri parchhain hai main hun ki mera saya hai
hum sahil ki sard hawa mein KHwabon se uljhe hain 'farogh'
aur hamare nam ka dariya sahra sahra bahta hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
