gila kisi ka kare kyon koi KHuda ke liye

gila kisī kā kare kyoñ koī ḳhudā ke liye

jafā jafā ke liye hai vafā vafā ke liye

hai soz-o-sāz kā rishta ki lāzim-o-malzūm

balā hai dil ke liye aur dil balā ke liye

miTā sakeñge na sāmān-e-'aish us kā asar

milā hai dard dukhoñ se mirī du'ā ke liye

nazar se chhup ke nigāhoñ meñ sirf phir jaanā

nazar ne duur se bose tirī adā ke liye

kidhar hai barq-e-qazā dekh mere hāsil ko

kiyā hai jam' ye ḳhirman tirī razā ke liye

pasand kar liyā us ko bahisht vāloñ ne

sharaf ḳhudā ne vo baḳhshā hai karbalā ke liye

ham un ko yaad haiñ sad-shukr kyā 'ināyat hai

qusūr DhūñD ke paidā kiye jafā ke liye

jamāl-o-naḳhvat-o-ḳhud-bīnī-o-ḳhud-ārā.ī

jo kuchh hai tere liye kab hai māsivā ke liye

ḳharāb kyoñ mirī miTTī ho bū-turābī huuñ

najaf kī ḳhaak hai zāmin mirī shifā ke liye

nazar phirātā hai shorīda-sar bahut 'shabbīr'

uThā na bazm se ai but ise ḳhudā ke liye

gila kisi ka kare kyon koi KHuda ke liye

jafa jafa ke liye hai wafa wafa ke liye

hai soz-o-saz ka rishta ki lazim-o-malzum

bala hai dil ke liye aur dil bala ke liye

miTa sakenge na saman-e-'aish us ka asar

mila hai dard dukhon se meri du'a ke liye

nazar se chhup ke nigahon mein sirf phir jaana

nazar ne dur se bose teri ada ke liye

kidhar hai barq-e-qaza dekh mere hasil ko

kiya hai jam' ye KHirman teri raza ke liye

pasand kar liya us ko bahisht walon ne

sharaf KHuda ne wo baKHsha hai karbala ke liye

hum un ko yaad hain sad-shukr kya 'inayat hai

qusur DhunD ke paida kiye jafa ke liye

jamal-o-naKHwat-o-KHud-bini-o-KHud-arai

jo kuchh hai tere liye kab hai masiwa ke liye

KHarab kyon meri miTTi ho bu-turabi hun

najaf ki KHak hai zamin meri shifa ke liye

nazar phiraata hai shorida-sar bahut 'shabbir'

uTha na bazm se ai but ise KHuda ke liye