gila sitam ka na shikwa hai bewafai ka

gila sitam kā na shikva hai bevafā.ī kā

jigar meñ daaġh nihāñ hai tirī judā.ī kā

sitam-shi.ār satānā kisī kā ḳhuub nahīñ

bahut ḳharāb sar-anjām hai burā.ī kā

taḌap taḌap ke huā gosha-e-qafas meñ tamām

dil-e-asīr meñ armāñ rahā rihā.ī kā

suḳhan meñ apne ḳhudā-dād hai ye husn-e-butāñ

ki ḳhaar murġh-e-chaman ko hai ḳhush-navā.ī kā

havas hai kis ko yahāñ taḳht-o-tāj kī 'raushan'

ḳhudā ne ham ko diyā hai sharaf gadā.ī kā

gila sitam ka na shikwa hai bewafai ka

jigar mein dagh nihan hai teri judai ka

sitam-shiar satana kisi ka KHub nahin

bahut KHarab sar-anjam hai burai ka

taDap taDap ke hua gosha-e-qafas mein tamam

dil-e-asir mein arman raha rihai ka

suKHan mein apne KHuda-dad hai ye husn-e-butan

ki KHar murgh-e-chaman ko hai KHush-nawai ka

hawas hai kis ko yahan taKHt-o-taj ki 'raushan'

KHuda ne hum ko diya hai sharaf gadai ka