gira na sath se apni sharif aisa tha

girā na sat.h se apnī sharīf aisā thā

suḳhanvarī meñ hamārā harīf aisā thā

ujāle us ko adab se salām karte the

vo apnī zaat ke andar ‘afīf aisā thā

jo band zabt ne bāñdhe the saare Tuut ga.e

vo ek dard ki dil meñ ḳhafīf aisā thā

ghaTā.eñ chār-sū chhā.īñ havā.eñ laakh chalīñ

khilā na gul koī mausam kasīf aisā thā

laraz laraz gayā Takrā ke us se har tūfāñ

huā na zer kisī se nahīf aisā thā

hamāre saa.e se Dartā thā maut kā saaya

mazāq-e-zīst hamārā latīf aisā thā

vo dost thā ki na thā vāqa'ī mirā 'vasfī'

bhulā sakā na ise maiñ halīf aisā thā

gira na sath se apni sharif aisa tha

suKHanwari mein hamara harif aisa tha

ujale us ko adab se salam karte the

wo apni zat ke andar ‘afif aisa tha

jo band zabt ne bandhe the sare Tut gae

wo ek dard ki dil mein KHafif aisa tha

ghaTaen chaar-su chhain hawaen lakh chalin

khila na gul koi mausam kasif aisa tha

laraz laraz gaya Takra ke us se har tufan

hua na zer kisi se nahif aisa tha

hamare sae se Darta tha maut ka saya

mazaq-e-zist hamara latif aisa tha

wo dost tha ki na tha waqa'i mera 'wasfi'

bhula saka na ise main halif aisa tha