go mujhe zist ne aaram se rahne na diya

go mujhe ziist ne ārām se rahne na diyā

ashk āñkhoñ se magar ek bhī bahne na diyā

ham ulaTte hī rahe rū-e-munavvar se naqāb

shaam se tā-ba-sahar chāñd ko gahne na diyā

tāb-e-nazāra-e-māshūq kahāñ āshiq ko

tuur par hosh meñ muusā ko bhī rahne na diyā

kar diyā chup but-e-kāfir ne ishāra kar ke

dāvar-e-hashr se kuchh bhī mujhe kahne na diyā

har ghaḌī haath meñ rakkhā hai qafas ko 'jauhar'

mujh ko tanhā kabhī sayyād ne rahne na diyā

go mujhe zist ne aaram se rahne na diya

ashk aankhon se magar ek bhi bahne na diya

hum ulaTte hi rahe ru-e-munawwar se naqab

sham se ta-ba-sahar chand ko gahne na diya

tab-e-nazara-e-mashuq kahan aashiq ko

tur par hosh mein musa ko bhi rahne na diya

kar diya chup but-e-kafir ne ishaara kar ke

dawar-e-hashr se kuchh bhi mujhe kahne na diya

har ghaDi hath mein rakkha hai qafas ko 'jauhar'

mujh ko tanha kabhi sayyaad ne rahne na diya