go tere wasl ka lagta nahin imkan jaanan

go tire vasl kā lagtā nahīñ imkāñ jānāñ

ham to kar baiThe tujhe milne kā paimāñ jānāñ

is se pahle to nahīñ dekhā kahīñ tujh sā hasīñ

terī muskān pe ho jā.ūñ maiñ qurbāñ jānāñ

ab bahār aa.egī ruḳhsat ye ḳhizāñ hotī hai

kyoñ samajhtā nahīñ is ko dil-e-nādāñ jānāñ

hāl-e-dil tujh ko sunāne meñ na ho be-adabī

kyā kahūñ soch ke hotā huuñ pareshāñ jānāñ

merī mahfil meñ kamī hai to faqat terī hai

tere bin dil bhī dhaḌaktā hai to jānāñ jānāñ

is qadar girte hue dekhe haiñ insāñ maiñ ne

ḳhud ko Dar lagtā hai kahte hue insāñ jānāñ

tū nahīñ thā to ye dukh-dard mire saath rahe

in ġhamoñ ke bhī to mujh par rahe ehsāñ jānāñ

gar mohabbat hameñ bāzār meñ mil jaatī kahīñ

us ke saude meñ to de dete dil-o-jāñ jānāñ

jo bhī 'sāqib' ne likhī hai vo ġhazal tere liye

aur hotā hī nahīñ koī bhī unvāñ jānāñ

go tere wasl ka lagta nahin imkan jaanan

hum to kar baiThe tujhe milne ka paiman jaanan

is se pahle to nahin dekha kahin tujh sa hasin

teri muskan pe ho jaun main qurban jaanan

ab bahaar aaegi ruKHsat ye KHizan hoti hai

kyon samajhta nahin is ko dil-e-nadan jaanan

haal-e-dil tujh ko sunane mein na ho be-adabi

kya kahun soch ke hota hun pareshan jaanan

meri mahfil mein kami hai to faqat teri hai

tere bin dil bhi dhaDakta hai to jaanan jaanan

is qadar girte hue dekhe hain insan main ne

KHud ko Dar lagta hai kahte hue insan jaanan

tu nahin tha to ye dukh-dard mere sath rahe

in ghamon ke bhi to mujh par rahe ehsan jaanan

gar mohabbat hamein bazar mein mil jati kahin

us ke saude mein to de dete dil-o-jaan jaanan

jo bhi 'saqib' ne likhi hai wo ghazal tere liye

aur hota hi nahin koi bhi unwan jaanan