go uski shakl ab hai kuhan-sal ki tarah

go us kī shakl ab hai kuhan-sāl kī tarah

bhūlā nahīñ maiñ gaañv kī chaupāl kī tarah

sahrā-e-hirs-o-āz meñ koī to aa.egā

phailā.ūñ apne aap ko maiñ jaal kī tarah

andar kā ras nichoḌā to shādāb thā bahut

lagtā thā yuuñ to sūkhī huī Daal kī tarah

mujh se kahāñ bachegā ki har rag meñ huuñ nihāñ

phailā huuñ tere jism meñ maiñ jaal kī tarah

kab se hai intizār ki aa.e koī idhar

maiñ dasht meñ huuñ jāda-e-pāmāl kī tarah

go us ki shakl ab hai kuhan-sal ki tarah

bhula nahin main ganw ki chaupal ki tarah

sahra-e-hirs-o-az mein koi to aaega

phailaun apne aap ko main jal ki tarah

andar ka ras nichoDa to shadab tha bahut

lagta tha yun to sukhi hui Dal ki tarah

mujh se kahan bachega ki har rag mein hun nihan

phaila hun tere jism mein main jal ki tarah

kab se hai intizar ki aae koi idhar

main dasht mein hun jada-e-pamal ki tarah