go uski talKH-mizaji ka kuchh hisab nahin

go us kī talḳh-mizājī kā kuchh hisāb nahīñ

vo bad-zabāñ hai magar aadmī ḳharāb nahīñ

sulagte hoñToñ kī adnā sī ik guzārish par

adā-o-nāz se bole nahīñ janāb nahīñ

pukārte jo mujhe pyaar se to aa jaate

hayā kā aañkh pe pahra thā koī hijāb nahīñ

maiñ intiḳhāb tirā kyā huā mohabbat meñ

zamāna kahtā hai merā koī javāb nahīñ

zarā nigāh to Dāleñ huzūr sāġhar par

ki log kahte haiñ sharbat hai ye sharāb nahīñ

tire hī naam se rusvā huuñ maiñ zamāne meñ

magar ye lagtā hai is se baḌā ḳhitāb nahīñ

raqam hai yād-e-guzishta to muḳhtasar dil par

paḌho to lagtā hai dil se baḌī kitāb nahīñ

go us ki talKH-mizaji ka kuchh hisab nahin

wo bad-zaban hai magar aadmi KHarab nahin

sulagte honTon ki adna si ek guzarish par

ada-o-naz se bole nahin janab nahin

pukarte jo mujhe pyar se to aa jate

haya ka aankh pe pahra tha koi hijab nahin

main intiKHab tera kya hua mohabbat mein

zamana kahta hai mera koi jawab nahin

zara nigah to Dalen huzur saghar par

ki log kahte hain sharbat hai ye sharab nahin

tere hi nam se ruswa hun main zamane mein

magar ye lagta hai is se baDa KHitab nahin

raqam hai yaad-e-guzishta to muKHtasar dil par

paDho to lagta hai dil se baDi kitab nahin