gosha-nashin-e-la-makan wahm-o-KHayal mein bhi aa

gosha-nashīn-e-lā-makāñ vahm-o-ḳhayāl meñ bhī aa

ālam-e-mumkināt ban amr-e-muhāl meñ bhī aa

jalva-e-zulf-o-ruḳh liye chashm-e-ḳhayāl meñ bhī aa

shām-e-firāq meñ bhī rah sub.h-e-visāl meñ bhī aa

māh-o-shafaq kī shakl meñ shān-e-jamāl bhī dikhā

sūrat-e-barq-e-muztarib shān-e-jalāl meñ bhī aa

sifat-e-abr-e-charḳh se farsh pe ho guhar-fishāñ

bām-e-urūj se kabhī daur-e-zavāl meñ bhī aa

husn-e-majāz kī tarah aa ke mire ḳhayāl meñ

hastī-e-be-misāl tū rang-e-misāl meñ bhī aa

ālam-e-kaif-o-rang se toḌ na rabt-e-bāhamī

rang-e-nashāt meñ bhī rah kaif-e-malāl meñ bhī aa

jaise 'musavvir' aap haiñ naqsh-e-tasavvur-e-hasīñ

ai mere harf-e-dil-nashīñ sūrat-e-hāl meñ bhī aa

gosha-nashin-e-la-makan wahm-o-KHayal mein bhi aa

aalam-e-mumkinat ban amr-e-muhaal mein bhi aa

jalwa-e-zulf-o-ruKH liye chashm-e-KHayal mein bhi aa

sham-e-firaq mein bhi rah subh-e-visal mein bhi aa

mah-o-shafaq ki shakl mein shan-e-jamal bhi dikha

surat-e-barq-e-muztarib shan-e-jalal mein bhi aa

sifat-e-abr-e-charKH se farsh pe ho guhar-fishan

baam-e-uruj se kabhi daur-e-zawal mein bhi aa

husn-e-majaz ki tarah aa ke mere KHayal mein

hasti-e-be-misal tu rang-e-misal mein bhi aa

aalam-e-kaif-o-rang se toD na rabt-e-bahami

rang-e-nashat mein bhi rah kaif-e-malal mein bhi aa

jaise 'musawwir' aap hain naqsh-e-tasawwur-e-hasin

ai mere harf-e-dil-nashin surat-e-haal mein bhi aa