goshmali se kab unhon ne asar liya tha

goshmālī se kab unhoñ ne asar liyā thā

sarkashoñ ko jo kaam karnā thā kar liyā thā

jab utar aa.e the vo badla utārne par

gin ke ek ek sar ke badle meñ sar liyā thā

paañv chaukhaT se bāhar us ne nahīñ nikāle

jis ne virse meñ apnī nabzoñ meñ Dar liyā thā

apne hathiyār taaq meñ gar sajā diye the

kyuuñ kisī aise shahr meñ jā ke ghar liyā thā

jis ne shorish meñ fatah paa.ī thī us ne yāsir

bāñdiyoñ se haram-sarāoñ ko bhar liyā thā

goshmali se kab unhon ne asar liya tha

sarkashon ko jo kaam karna tha kar liya tha

jab utar aae the wo badla utarne par

gin ke ek ek sar ke badle mein sar liya tha

panw chaukhaT se bahar us ne nahin nikale

jis ne wirse mein apni nabzon mein Dar liya tha

apne hathiyar taq mein gar saja diye the

kyun kisi aise shahr mein ja ke ghar liya tha

jis ne shorish mein fatah pai thi us ne yasir

bandiyon se haram-saraon ko bhar liya tha