ghubar-e-rah-e-tilism-e-zamana ho gae hain

ġhubār-e-rāh-e-tilism-e-zamāna ho ga.e haiñ

ham aaise log bhī āḳhir fasāna ho ga.e haiñ

rahe haiñ raunaq-e-sad-āstāñ vo log ki aaj

ye chand tinke jinheñ āshiyāna ho ga.e haiñ

jo misl-e-abr-e-bahārāñ haiñ dūsroñ ke liye

vo log apne liye tāziyāna ho ga.e haiñ

jahāñ pe aa.e the ik roz tumtarāq ke saath

ba-hasrat aaj vahāñ se ravāna ho ga.e haiñ

to kyā huī vo tamannā kī daulat-e-bedār

ki saare shauq hī rasm-e-shabāna ho ga.e haiñ

vo log jin kā talabgār ik zamāna thā

kisī kī sāda-dilī kā nishāna ho ga.e haiñ

kisī kī chashm-e-taġhayyur ko jin se nisbat hai

maiñ ḳhush huā ki vo ġham jāvedāna ho ga.e haiñ

ab is qadar nahīñ ḳhālī hamārā dāman bhī

gunāh ham se bhī kuchh fāḳhirāna ho ga.e haiñ

vo aur shai hai ki jis ne ghulā diyā mujh ko

ki ye avāriz-e-jāñ to bahāna ho ga.e haiñ

ghubar-e-rah-e-tilism-e-zamana ho gae hain

hum aaise log bhi aaKHir fasana ho gae hain

rahe hain raunaq-e-sad-astan wo log ki aaj

ye chand tinke jinhen aashiyana ho gae hain

jo misl-e-abr-e-bahaaran hain dusron ke liye

wo log apne liye taziyana ho gae hain

jahan pe aae the ek roz tumtaraq ke sath

ba-hasrat aaj wahan se rawana ho gae hain

to kya hui wo tamanna ki daulat-e-bedar

ki sare shauq hi rasm-e-shabana ho gae hain

wo log jin ka talabgar ek zamana tha

kisi ki sada-dili ka nishana ho gae hain

kisi ki chashm-e-taghayyur ko jin se nisbat hai

main KHush hua ki wo gham jawedana ho gae hain

ab is qadar nahin KHali hamara daman bhi

gunah hum se bhi kuchh faKHirana ho gae hain

wo aur shai hai ki jis ne ghula diya mujh ko

ki ye awariz-e-jaan to bahana ho gae hain