gudaz reshmi guft-o-shunid ho maula

gudāz reshmī guft-o-shunīd ho maulā

matā.a-e-zehn-e-rasā bhī jadīd ho maulā

ik aisā banda mire ghar meñ parvarish paa.e

jo terī raah pe chal kar shahīd ho maulā

jo mere paas hai tāvān hai saḳhāvat kā

ye iltifāt-o-ināyat mazīd ho maulā

hamāre zehn ko irfān-e-āgahī de de

jo nasl-e-nau ke liye bhī mufīd ho maulā

ye bad-numā.ī numā.ish kabhī na kar paa.e

jo ehtijāj kā jazba shadīd ho maulā

hamāre ḳhuun kī har buuñd teġh ban jaa.e

nazar ke sāmne jab bhī yazīd ho maulā

qubūl saarī ibādat ho roza-dāroñ kī

jo terī marzī hai vaisī hī eid ho maulā

gudaz reshmi guft-o-shunid ho maula

mataa-e-zehn-e-rasa bhi jadid ho maula

ek aisa banda mere ghar mein parwarish pae

jo teri rah pe chal kar shahid ho maula

jo mere pas hai tawan hai saKHawat ka

ye iltifat-o-inayat mazid ho maula

hamare zehn ko irfan-e-agahi de de

jo nasl-e-nau ke liye bhi mufid ho maula

ye bad-numai numaish kabhi na kar pae

jo ehtijaj ka jazba shadid ho maula

hamare KHun ki har bund tegh ban jae

nazar ke samne jab bhi yazid ho maula

qubul sari ibaadat ho roza-daron ki

jo teri marzi hai waisi hi eid ho maula