gul hai bulbul se KHafa gul se saba bigDi hai

gul hai bulbul se ḳhafā gul se sabā bigḌī hai

baad muddat ke gulistāñ kī havā bigḌī hai

sub.h se jaan kā dushman vo ruḳh-e-raushan thā

shaam se dil ke liye zulf-e-dotā bigḌī hai

naqsh-bar-āb hai ye naqsh-o-nigār-e-duniyā

ḳhāna-e-dahr kī avval se binā bigḌī hai

kyā ajab suur phuñke aag lage dozaḳh meñ

naala bigḌā hai mirī āh-e-rasā bigḌī hai

raah bhūle mire ghar kī to ga.e ġhair ke ghar

haa.e kaisī mirī taqdīr-e-rasā bigḌī hai

ḳhuun karnā use manzūr hai ḳhud 'tālib' kā

is liye ḳhanjar-e-qātil se hinā bigḌī hai

gul hai bulbul se KHafa gul se saba bigDi hai

baad muddat ke gulistan ki hawa bigDi hai

subh se jaan ka dushman wo ruKH-e-raushan tha

sham se dil ke liye zulf-e-dota bigDi hai

naqsh-bar-ab hai ye naqsh-o-nigar-e-duniya

KHana-e-dahr ki awwal se bina bigDi hai

kya ajab sur phunke aag lage dozaKH mein

nala bigDa hai meri aah-e-rasa bigDi hai

rah bhule mere ghar ki to gae ghair ke ghar

hae kaisi meri taqdir-e-rasa bigDi hai

KHun karna use manzur hai KHud 'talib' ka

is liye KHanjar-e-qatil se hina bigDi hai