gul ki KHushbu ki tarah aankh ke aansu ki tarah

gul kī ḳhushbū kī tarah aañkh ke aañsū kī tarah

dil pareshān hai gard-e-ram-e-āhū kī tarah

jo gul-andām makīnoñ ko taraste haiñ hanūz

shahr meñ kitne khañDar haiñ mire pahlū kī tarah

zulf-e-gītī ko bhī ā.īna-o-shāna mil jaa.e

tum sañvar jaao jo ārā.ish-e-gesū kī tarah

raqs kartā hai zar-o-sīm kī jhankār pe fan

marmarīñ farsh pe bajte hue ghuñghrū kī tarah

aaj bhī sho'bada-e-ahl-e-havas hai insāf

dast-e-baqqāl meñ parkār tarāzū kī tarah

mahsharistān-e-sukūñ hai mirī hastī 'māhir'

kisī shahbāz ke TuuTe hue baazū kī tarah

gul ki KHushbu ki tarah aankh ke aansu ki tarah

dil pareshan hai gard-e-ram-e-ahu ki tarah

jo gul-andam makinon ko taraste hain hanuz

shahr mein kitne khanDar hain mere pahlu ki tarah

zulf-e-giti ko bhi aaina-o-shana mil jae

tum sanwar jao jo aaraish-e-gesu ki tarah

raqs karta hai zar-o-sim ki jhankar pe fan

marmarin farsh pe bajte hue ghunghru ki tarah

aaj bhi sho'bada-e-ahl-e-hawas hai insaf

dast-e-baqqal mein parkar taraazu ki tarah

mahsharistan-e-sukun hai meri hasti 'mahir'

kisi shahbaz ke TuTe hue bazu ki tarah