gul-o-gauhar to kya har shai mein hai jalwa ayan tera

gul-o-gauhar to kyā har shai meñ hai jalva ayaañ terā

ḳhudāyā be-nishāñ ho kar milā ham ko nishāñ terā

tire abr-e-karam se parvarish maḳhlūq paatī hai

ilāhī jā-ba-jā hai faiz kā dariyā ravāñ terā

pukārā dair meñ nāqūs se tujh ko barahman ne

haram meñ naam zāhid ne liyā vaqt-e-azāñ terā

tirī rahmat kā lañgḌe aur lūloñ ko sahārā hai

ilāhī nām-e-ālī hai asā-e-nā-tavāñ terā

sharar patthar se jab niklā to ham ko ye huā sābit

ki har zarre meñ pinhāñ ho gayā husn-e-nihāñ terā

fanā ho jaane vaale kār-ḳhāne haiñ zamāne ke

rahegā naam baaqī ḳhāliq-e-kaun-o-makāñ terā

tirī maujūdgī har shai meñ juzv-o-kul se sābit hai

magar hasrat hai phir bhī to nahīñ miltā nishāñ terā

karam ai abr-e-rahmat tishnigān-e-āb-e-ulfat par

madad a mauj-e-shafqat jāñ-ba-lab hai nīm-jāñ terā

gunah sab baḳhsh denā lutf se 'akbar' ke mahshar meñ

bharosa hai ise ai mālik-e-har-do-jahāñ terā

gul-o-gauhar to kya har shai mein hai jalwa ayan tera

KHudaya be-nishan ho kar mila hum ko nishan tera

tere abr-e-karam se parwarish maKHluq pati hai

ilahi ja-ba-ja hai faiz ka dariya rawan tera

pukara dair mein naqus se tujh ko barahman ne

haram mein nam zahid ne liya waqt-e-azan tera

teri rahmat ka langDe aur lulon ko sahaara hai

ilahi nam-e-ali hai asa-e-na-tawan tera

sharar patthar se jab nikla to hum ko ye hua sabit

ki har zarre mein pinhan ho gaya husn-e-nihan tera

fana ho jaane wale kar-KHane hain zamane ke

rahega nam baqi KHaliq-e-kaun-o-makan tera

teri maujudgi har shai mein juzw-o-kul se sabit hai

magar hasrat hai phir bhi to nahin milta nishan tera

karam ai abr-e-rahmat tishnigan-e-ab-e-ulfat par

madad a mauj-e-shafqat jaan-ba-lab hai nim-jaan tera

gunah sab baKHsh dena lutf se 'akbar' ke mahshar mein

bharosa hai ise ai malik-e-har-do-jahan tera