gul-posh baam-o-dar hain magar ghar mein kuchh nahin
gul-posh baam-o-dar hain magar ghar mein kuchh nahin
Zauqi Muzaffar Nagari
MORE BYZauqi Muzaffar Nagari
gul-posh bām-o-dar haiñ magar ghar meñ kuchh nahīñ
ye sab nazar kā nuur hai manzar meñ kuchh nahīñ
maujoñ kā iztirāb ho yā gauhar-e-hayāt
ehsās kā fusūñ hai samundar meñ kuchh nahīñ
parchhā.iyoñ kā naach hai vīrān sahn meñ
āseb-e-shab hai aur mire ghar meñ kuchh nahīñ
manzil se be-niyāz chale jā rahe haiñ log
bhaTke huoñ kī aañkh ke patthar meñ kuchh nahīñ
din raat jhāñktā hai darīchoñ se zehn ke
afkār kā jamāl hai paikar meñ kuchh nahīñ
'zauqī' galī galī meñ haiñ takiye fareb ke
aġhrāz kī sadā hai qalandar meñ kuchh nahīñ
gul-posh baam-o-dar hain magar ghar mein kuchh nahin
ye sab nazar ka nur hai manzar mein kuchh nahin
maujon ka iztirab ho ya gauhar-e-hayat
ehsas ka fusun hai samundar mein kuchh nahin
parchhaiyon ka nach hai viran sahn mein
aaseb-e-shab hai aur mere ghar mein kuchh nahin
manzil se be-niyaz chale ja rahe hain log
bhaTke huon ki aankh ke patthar mein kuchh nahin
din raat jhankta hai darichon se zehn ke
afkar ka jamal hai paikar mein kuchh nahin
'zauqi' gali gali mein hain takiye fareb ke
aghraaz ki sada hai qalandar mein kuchh nahin
- Book : Pakistani Adab (Pg. 464)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
