gulab rangon ko zafrani nahin karunga

gulāb rangoñ ko zā'frānī nahīñ karūñgā

maiñ aise paudoñ kī bāġhbānī nahīñ karūñgā

kisī kī ḳhātir ġhalat-bayānī nahīñ karūñgā

maiñ jhūTe logoñ kī tarjumānī nahīñ karūñgā

sunā hai ab vo ḳhilāf mere gavāhī degā

jo kah rahā thā ki bad-gumānī nahīñ karūñgā

sazā maiñ ḳhud ko kabhī na dūñgā tire kiye kī

jigar ko chhalnī lahū ko paanī nahīñ karūñgā

tumhāre ġham kā tumhārī yādoñ kā maiñ amiiñ huuñ

kahā thā tum se ki be-imānī nahīñ karūñgā

mu'āf tujh ko maiñ pahle bhī kar chukā huuñ lekin

dubāra tujh par ye mehrbānī nahīñ karūñgā

ye ġhair-mumkin hai phir bhī hākim banā to 'ādil'

sitam-rasīdoñ pe hukmrānī nahīñ karūñgā

gulab rangon ko za'frani nahin karunga

main aise paudon ki baghbani nahin karunga

kisi ki KHatir ghalat-bayani nahin karunga

main jhuTe logon ki tarjumani nahin karunga

suna hai ab wo KHilaf mere gawahi dega

jo kah raha tha ki bad-gumani nahin karunga

saza main KHud ko kabhi na dunga tere kiye ki

jigar ko chhalni lahu ko pani nahin karunga

tumhaare gham ka tumhaari yaadon ka main amin hun

kaha tha tum se ki be-imani nahin karunga

mu'af tujh ko main pahle bhi kar chuka hun lekin

dubara tujh par ye mehrbani nahin karunga

ye ghair-mumkin hai phir bhi hakim bana to 'adil'

sitam-rasidon pe hukmrani nahin karunga