gulon ki samt bhanwaron se ziyaada kaun dekhega

guloñ kī samt bhañvaroñ se ziyāda kaun dekhegā

ruḳh-e-gulnār par ulfat kā ġhāza kaun dekhegā

nazar ke sāmne jo hai use sab dekh lete haiñ

kisī ke dil ke hujre kā tamāsha kaun dekhegā

tumhāre bin udāsī din pe aksar chhā.ī rahtī hai

shab-e-furqat falak par chāñd taarā kaun dekhegā

mohabbat kā taqāza bas mohabbat hī mohabbat hai

mohabbat meñ zamāne kā taqāza kaun dekhegā

agar pesh-e-nazar terī nazar terā sarāpā ho

kise kahte haiñ qārūnī ḳhazāna kaun dekhegā

paḌhūñ tum ko mohabbat goshe goshe meñ nazar aa.e

lifāfa khol kar ye ḳhatt-e-sāda kaun dekhegā

jise dekho vahī kahtā hai tum 'maqsūd' ho mere

kisī se kar liyā hai maiñ ne va.ada kaun dekhe dekhegā

gulon ki samt bhanwaron se ziyaada kaun dekhega

ruKH-e-gulnar par ulfat ka ghaza kaun dekhega

nazar ke samne jo hai use sab dekh lete hain

kisi ke dil ke hujre ka tamasha kaun dekhega

tumhaare bin udasi din pe aksar chhai rahti hai

shab-e-furqat falak par chand tara kaun dekhega

mohabbat ka taqaza bas mohabbat hi mohabbat hai

mohabbat mein zamane ka taqaza kaun dekhega

agar pesh-e-nazar teri nazar tera sarapa ho

kise kahte hain qaruni KHazana kaun dekhega

paDhun tum ko mohabbat goshe goshe mein nazar aae

lifafa khol kar ye KHatt-e-sada kaun dekhega

jise dekho wahi kahta hai tum 'maqsud' ho mere

kisi se kar liya hai main ne wada kaun dekhe dekhega