gulshan mein ghubar khil rahe the

gulshan meñ ġhubār khil rahe the

tum bhiiḌ meñ ham se mil rahe the

paanī meñ vahāñ nasha sā kuchh thā

do dhāre jahāñ pe mil rahe the

shaffāf guhar ke jo sadaf the

malbūs ġhubār-o-gul rahe the

goyā.ī thī aa.ī thī ga.ī thī

ham gūñge the mustaqil rahe the

tanhā.ī se ishq ho gayā thā

har bhiiḌ meñ mushta.il rahe the

gulshan mein ghubar khil rahe the

tum bhiD mein hum se mil rahe the

pani mein wahan nasha sa kuchh tha

do dhaare jahan pe mil rahe the

shaffaf guhar ke jo sadaf the

malbus ghubar-o-gul rahe the

goyai thi aai thi gai thi

hum gunge the mustaqil rahe the

tanhai se ishq ho gaya tha

har bhiD mein mushtail rahe the