gulsitan maine banaya jo hai virane ko

gulsitāñ maiñ ne banāyā jo hai vīrāne ko

kis kī tāqat hai ujāḌe mire kāshāne ko

aur hoñge tire mohtāj-e-karam ai saaqī

maiñ bahāroñ ko tarastā huuñ na paimāne ko

dhajjiyāñ dāman-e-hastī kī na uḌ jaa.eñ kahīñ

itnā bahkāo na bahke hue dīvāne ko

merī rotī huī āñkhoñ ko na dekho paiham

aur chhalkāo na chhalke hue paimāne ko

aaj tak vo bhī bachāte rahe dāman apnā

kitnā hushiyār samajhte haiñ vo dīvāne ko

saarī duniyā to 'asar' dekh chukī hāl-e-tabāh

ik ḳhudā rah gayā hālat pe taras khāne ko

gulsitan main ne banaya jo hai virane ko

kis ki taqat hai ujaDe mere kashane ko

aur honge tere mohtaj-e-karam ai saqi

main bahaaron ko tarasta hun na paimane ko

dhajjiyan daman-e-hasti ki na uD jaen kahin

itna bahkao na bahke hue diwane ko

meri roti hui aankhon ko na dekho paiham

aur chhalkao na chhalke hue paimane ko

aaj tak wo bhi bachate rahe daman apna

kitna hushiyar samajhte hain wo diwane ko

sari duniya to 'asar' dekh chuki haal-e-tabah

ek KHuda rah gaya haalat pe taras khane ko