guman hadd-e-nazar tak kya tha lekin kya nazar aaya
gumāñ hadd-e-nazar tak kyā thā lekin kyā nazar aayā
jidhar dariyā kī maujeñ thiiñ udhar sahrā nazar aayā
mujhe fursat kahāñ apnī basīrat se maiñ ye pūchhūñ
vo kaisā aa.ina thā kaun sā chehra nazar aayā
samundar band ho kar rah gayā thā jis kī muTThī meñ
ta.ajjub hai vo bāzīgar sarāsīma nazar aayā
to kyā āb-e-ravāñ se pyaas apnī dhul nahīñ saktī
ye kaisā silsila āḳhir sarāboñ kā nazar aayā
chalo ye bhī dilāse ke liye kuchh kam nahīñ 'raunaq'
makāñ jab jal gayā tab abr kā TukḌā nazar aayā
guman hadd-e-nazar tak kya tha lekin kya nazar aaya
jidhar dariya ki maujen thin udhar sahra nazar aaya
mujhe fursat kahan apni basirat se main ye puchhun
wo kaisa aaina tha kaun sa chehra nazar aaya
samundar band ho kar rah gaya tha jis ki muTThi mein
tajjub hai wo bazigar sarasima nazar aaya
to kya aab-e-rawan se pyas apni dhul nahin sakti
ye kaisa silsila aaKHir sarabon ka nazar aaya
chalo ye bhi dilase ke liye kuchh kam nahin 'raunaq'
makan jab jal gaya tab abr ka TukDa nazar aaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
