gumrahiyon mein luT gai ishrat KHayal ki

gumrāhiyoñ meñ luT ga.ī 'ishrat ḳhayāl kī

ab justujū se paak hai sūrat ma.aal kī

rang-e-shafaq se shaan 'ayāñ hai jamāl kī

vo daad chāhte haiñ abhī se kamāl kī

rahmat ke vāste se faqat zul-jalāl kī

jur.at har ek riñd ne kī hasb-e-hāl kī

ġham hai firāq kā na ḳhushī hai visāl kī

merī nazar amiin hai husn-o-jamāl kī

saaqī kā iltifāt hai in'ām-e-inzibāt

jur.at nahīñ hai hosh ke muñh se savāl kī

parda bhī ho kabhī to kabhī rū-barū bhī ho

zāmin hai 'āfiyat kī ravish e'tidāl kī

chashm-e-karam ke saath surāhī bhī jhuk ga.ī

taqdīr dam-zadan meñ badal dī sifāl kī

ye mehr-o-māh husn-o-nazar aur rang-o-bū

'aks-āfrīniyāñ haiñ kisī ke jamāl kī

har ro'b-e-husn dāb-e-mohabbat mizāj-e-‘ishq

rakhtā hai sar-basar koī ḳhūbī kamāl kī

bā-vasf-e-shart-e-bandagī banda-navāz ne

āqā.ī baḳhsh dī hai 'amal kī ḳhayāl kī

us be-ḳhudī kā said huā hai sukūñ-nasīb

maḳhfī hai jo nazar se zavāl-o-kamāl kī

sar is liye na uTh sakā sajde se aaj tak

'izzat 'azīz hai ‘araq-e-infi’āl kī

zāhid ḳhudā kī dī huī ne'mat kā rang dekh

is se tamīz hogī harām-o-halāl kī

nām-e-ḳhudā ko rakhtā hai dil is liye 'azīz

āzād hai ye qaid se har ehtimāl kī

gumnāmiyoñ meñ 'shād' rahā tum sā be-navā

ustād laaj rah ga.ī dast-e-savāl kī

gumrahiyon mein luT gai 'ishrat KHayal ki

ab justuju se pak hai surat maal ki

rang-e-shafaq se shan 'ayan hai jamal ki

wo dad chahte hain abhi se kamal ki

rahmat ke waste se faqat zul-jalal ki

jurat har ek rind ne ki hasb-e-haal ki

gham hai firaq ka na KHushi hai visal ki

meri nazar amin hai husn-o-jamal ki

saqi ka iltifat hai in'am-e-inzibaat

jurat nahin hai hosh ke munh se sawal ki

parda bhi ho kabhi to kabhi ru-baru bhi ho

zamin hai 'afiyat ki rawish e'tidal ki

chashm-e-karam ke sath surahi bhi jhuk gai

taqdir dam-zadan mein badal di sifal ki

ye mehr-o-mah husn-o-nazar aur rang-o-bu

'aks-afriniyan hain kisi ke jamal ki

har ro'b-e-husn dab-e-mohabbat mizaj-e-‘ishq

rakhta hai sar-basar koi KHubi kamal ki

ba-wasf-e-shart-e-bandagi banda-nawaz ne

aaqai baKHsh di hai 'amal ki KHayal ki

us be-KHudi ka said hua hai sukun-nasib

maKHfi hai jo nazar se zawal-o-kamal ki

sar is liye na uTh saka sajde se aaj tak

'izzat 'aziz hai ‘araq-e-infi’al ki

zahid KHuda ki di hui ne'mat ka rang dekh

is se tamiz hogi haram-o-halal ki

nam-e-KHuda ko rakhta hai dil is liye 'aziz

aazad hai ye qaid se har ehtimal ki

gumnamiyon mein 'shad' raha tum sa be-nawa

ustad laj rah gai dast-e-sawal ki