ghunchon ne dahan khole kaliyon ne li angDai

ġhunchoñ ne dahan khole kaliyoñ ne lī añgḌā.ī

yuuñ sehn-e-gulistāñ meñ chupke se bahār aa.ī

duniyā use kahtī hai phir kis liye saudā.ī

jo ḳhud hī ho dīvāna aur ḳhud hī tamāshā.ī

kyūñkar na karūñ ai dil us ġham kī pazīrā.ī

ġhurbat meñ yahī to hai ik monis-e-tanhā.ī

kahte na the ik din vo mā.il-ba-karam hoñge

ye zabt kī aadat hī āḳhir mire kaam aa.ī

har gaam rukāvaT hai haa.il rah-e-manzil meñ

hotī hai musāfir kī yuuñ hausla-afzā.ī

kyūñ-kar na zamāne kī āñkhoñ se chhapā.ūñ maiñ

har chiiz se pyārī hai mujh ko mirī tanhā.ī

'hasrat' rah-e-ulfat meñ āḳhir vo maqām aaya

lene ke liye mujh ko manzil mire paas aa.ī

ghunchon ne dahan khole kaliyon ne li angDai

yun sehn-e-gulistan mein chupke se bahaar aai

duniya use kahti hai phir kis liye saudai

jo KHud hi ho diwana aur KHud hi tamashai

kyunkar na karun ai dil us gham ki pazirai

ghurbat mein yahi to hai ek monis-e-tanhai

kahte na the ek din wo mail-ba-karam honge

ye zabt ki aadat hi aaKHir mere kaam aai

har gam rukawaT hai hail rah-e-manzil mein

hoti hai musafir ki yun hausla-afzai

kyun-kar na zamane ki aankhon se chhapaun main

har chiz se pyari hai mujh ko meri tanhai

'hasrat' rah-e-ulfat mein aaKHir wo maqam aaya

lene ke liye mujh ko manzil mere pas aai