ghurur-e-koh ke hote niyaz-e-kah rakhte hain

ġhurūr-e-koh ke hote niyāz-e-kāh rakhte haiñ

tire ham-rāh rahne ko qadam kotāh rakhte haiñ

añdheroñ meñ bhī gum hotī nahīñ samt-e-safar apnī

nigāhoñ meñ firozāñ ik shabīh-e-māh rakhte haiñ

ye duniyā kyā hameñ apnī Dagar par le ke jā.egī

ham apne saath bhī marzī kī rasm-o-rāh rakhte haiñ

vo dīvār-e-anā kī oT kis kis aag jaltā hai

dil o diida ko sab ahvāl se āgāh rakhte haiñ

Dar-o-bast-e-jahān meñ dekhte haiñ saqm kuchh 'ālī'

aur apnī soch kā ik naqsha-e-islāh rakhte haiñ

ghurur-e-koh ke hote niyaz-e-kah rakhte hain

tere ham-rah rahne ko qadam kotah rakhte hain

andheron mein bhi gum hoti nahin samt-e-safar apni

nigahon mein firozan ek shabih-e-mah rakhte hain

ye duniya kya hamein apni Dagar par le ke jaegi

hum apne sath bhi marzi ki rasm-o-rah rakhte hain

wo diwar-e-ana ki oT kis kis aag jalta hai

dil o dida ko sab ahwal se aagah rakhte hain

Dar-o-bast-e-jahan mein dekhte hain saqm kuchh 'ali'

aur apni soch ka ek naqsha-e-islah rakhte hain