guzre hain jab se zawiya-e-agahi se hum

guzre haiñ jab se zāviya-e-āgahī se ham

duniyā se be-niyāz hue haiñ ḳhushī se ham

khāte rahe fareb-e-musalsal kisī se ham

karte haiñ pyaar phir bhī usī sādgī se ham

paanī meñ jab se aag lagā.ī hai dhuup ne

vahshat-zada haiñ ashk kī tābindagī se ham

hote hī ham-ḳhayāl 'ajab haal ho gayā

sarshār se hue haiñ tirī ik ḳhushī se ham

laa.eñ kahāñ se taab kise hosh hai 'adīb'

jal-bujh ga.e haiñ husn kī sho’la-zanī se ham

guzre hain jab se zawiya-e-agahi se hum

duniya se be-niyaz hue hain KHushi se hum

khate rahe fareb-e-musalsal kisi se hum

karte hain pyar phir bhi usi sadgi se hum

pani mein jab se aag lagai hai dhup ne

wahshat-zada hain ashk ki tabindagi se hum

hote hi ham-KHayal 'ajab haal ho gaya

sarshaar se hue hain teri ek KHushi se hum

laen kahan se tab kise hosh hai 'adib'

jal-bujh gae hain husn ki sho’la-zani se hum