guzren phir ek hadsa-e-KHun-chakan se hum

guzreñ phir ek hādsa-e-ḳhūñ-chakāñ se ham

ai dost aisā hausla laa.eñ kahāñ se ham

har din haiñ mushkilāt o masā.il na.e na.e

shāyad guzar rahe haiñ kisī imtihāñ se ham

paidā ho kaise jazba-e-tasḳhīr-e-kā.enāt

āzād hī na ho sake vahm-o-gumāñ se ham

apne liye jo bā.is-e-sad-iftiḳhār thī

ab us ghaḌī ko DhūñD ke laa.eñ kahāñ se ham

rahzan kā ḳhauf chhoḌiye pahle ye sochiye

ḳhud ko bachā ke kaise rakheñ pāsbāñ se ham

kaise alag kareñgī zamāne kī gardisheñ

hindostāñ hai ham se to hindostāñ se ham

'maqbūl' kyā kareñ ki tabī.at hai haq-pasand

mahzūz hone vaale nahīñ dāstāñ se ham

guzren phir ek hadsa-e-KHun-chakan se hum

ai dost aisa hausla laen kahan se hum

har din hain mushkilat o masail nae nae

shayad guzar rahe hain kisi imtihan se hum

paida ho kaise jazba-e-tasKHir-e-kaenat

aazad hi na ho sake wahm-o-guman se hum

apne liye jo bais-e-sad-iftiKHar thi

ab us ghaDi ko DhunD ke laen kahan se hum

rahzan ka KHauf chhoDiye pahle ye sochiye

KHud ko bacha ke kaise rakhen pasban se hum

kaise alag karengi zamane ki gardishen

hindostan hai hum se to hindostan se hum

'maqbul' kya karen ki tabiat hai haq-pasand

mahzuz hone wale nahin dastan se hum