hae kaisa ye zamane ka asar lagta hai

haa.e kaisā ye zamāne kā asar lagtā hai

jis ko dekho vahī afsurda bashar lagtā hai

ḳhuuñ ke rishtoñ kā bhī ab koī taqaddus na rahā

apnā ghar bhī mujhe ab ġhair kā ghar lagtā hai

diye jaatā hai bahut zehnī aziyyat mujh ko

dushman-e-jān mirā laḳht-e-jigar lagtā hai

ghar kā shīrāza bikhar jā.egā mā'lūm na thā

ab ye ghar hī mujhe aaseb kā ghar lagtā hai

baap kā baap banā baiThā hai beTā ghar meñ

aur agar baap ko dekho to pisar lagtā hai

ab burā.ī pe bhī ġhairat nahīñ insānoñ ko

ab har ik aib ba-andāz-e-hunar lagtā hai

ham kisī shaḳhs ko kuchh kahne ke qābil na rahe

apnā hī haal bas ab zer-o-zabar lagtā hai

ye hai andesha zabāñ par na lage qufl kahīñ

yuuñ koī baat bhī kahte hue Dar lagtā hai

jaan levā yahī hālāt rahe to ik din

apnā duniyā se bahut jald safar lagtā hai

pas-e-mizhgāñ hai to is meñ hai samundar pinhāñ

ashk jab palkoñ pe aatā hai guhar lagtā hai

ḳhuun se sīñch ke paude ko baḌā karte haiñ

tab kahīñ jā ke vo ai 'yās' shajar lagtā hai

hae kaisa ye zamane ka asar lagta hai

jis ko dekho wahi afsurda bashar lagta hai

KHun ke rishton ka bhi ab koi taqaddus na raha

apna ghar bhi mujhe ab ghair ka ghar lagta hai

diye jata hai bahut zehni aziyyat mujh ko

dushman-e-jaan mera laKHt-e-jigar lagta hai

ghar ka shiraaza bikhar jaega ma'lum na tha

ab ye ghar hi mujhe aaseb ka ghar lagta hai

bap ka bap bana baiTha hai beTa ghar mein

aur agar bap ko dekho to pisar lagta hai

ab burai pe bhi ghairat nahin insanon ko

ab har ek aib ba-andaz-e-hunar lagta hai

hum kisi shaKHs ko kuchh kahne ke qabil na rahe

apna hi haal bas ab zer-o-zabar lagta hai

ye hai andesha zaban par na lage qufl kahin

yun koi baat bhi kahte hue Dar lagta hai

jaan lewa yahi haalat rahe to ek din

apna duniya se bahut jald safar lagta hai

pas-e-mizhgan hai to is mein hai samundar pinhan

ashk jab palkon pe aata hai guhar lagta hai

KHun se sinch ke paude ko baDa karte hain

tab kahin ja ke wo ai 'yas' shajar lagta hai