hae kis anjuman-e-naz se to aati hai

haa.e kis anjuman-e-nāz se to aatī hai

ai sabā tujh se mujhe rashk kī bū aatī hai

tū ne betābī-e-dil aur bhī betāb kiyā

yaad tujh se mujhe us shoḳh kī ḳhū aatī hai

itne dam-ḳham bhī haiñ yā dam hī diye jaate haiñ

aap kī teġh kabhī ta-ba-gulū aatī hai

un ke bīmār se kyā tujh ko sarokār ai maut

tujh pe martā nahīñ kambaḳht jo tū aatī hai

haram-e-ḳhās kā kartī hai vahī jaan tavāf

āb-e-shamshīr se jo karke vuzū aatī hai

kabhī āñkheñ bhī maleñge kaf-e-pā se un ke

abhī jā jā ke nigah paañv ko chhū aatī hai

teġh khīñchī hai to ab aap khiñche baiThe haiñ

jaan khiñch khiñch ke yūñhī ta-ba-gulū aatī hai

gul-e-ummīd se bhartā hai falak yuuñ dāman

aarzū aañkh se ho ho ke lahū aatī hai

tum achhūte sahī āġhosh-e-tasavvur meñ to ho

na chhueñ ham nigah-e-shauq to chhū aatī hai

muñh se ab tak to nikaltā thā dhuāñ aah ke saath

dil ke jalne kī bhī ab der se bū aatī hai

zarf hai shart nahīñ himmat-e-sāqī meñ kalām

ek do jaam se naubat ye subū aatī hai

bazm-e-ahbāb ko karnā na pareshāñ ai 'yās'

har suḳhan se tire ab dard kī bū aatī hai

hae kis anjuman-e-naz se to aati hai

ai saba tujh se mujhe rashk ki bu aati hai

tu ne betabi-e-dil aur bhi betab kiya

yaad tujh se mujhe us shoKH ki KHu aati hai

itne dam-KHam bhi hain ya dam hi diye jate hain

aap ki tegh kabhi ta-ba-gulu aati hai

un ke bimar se kya tujh ko sarokar ai maut

tujh pe marta nahin kambaKHt jo tu aati hai

haram-e-KHas ka karti hai wahi jaan tawaf

aab-e-shamshir se jo karke wuzu aati hai

kabhi aankhen bhi malenge kaf-e-pa se un ke

abhi ja ja ke nigah panw ko chhu aati hai

tegh khinchi hai to ab aap khinche baiThe hain

jaan khinch khinch ke yunhi ta-ba-gulu aati hai

gul-e-ummid se bharta hai falak yun daman

aarzu aankh se ho ho ke lahu aati hai

tum achhute sahi aaghosh-e-tasawwur mein to ho

na chhuen hum nigah-e-shauq to chhu aati hai

munh se ab tak to nikalta tha dhuan aah ke sath

dil ke jalne ki bhi ab der se bu aati hai

zarf hai shart nahin himmat-e-saqi mein kalam

ek do jam se naubat ye subu aati hai

bazm-e-ahbab ko karna na pareshan ai 'yas'

har suKHan se tere ab dard ki bu aati hai