hae kya log the jo ban ke dua utre the

haa.e kyā log the jo ban ke duā utre the

aur ik ham haiñ zamāne meñ ḳhafā utre the

ham ko ma.alūm na thā is kī sazā hotī hai

ham mohabbat kī kasauTī pe kharā utre the

ham ne jab saaf kahā thā ki añdherā hai yahāñ

aap sar phoḌne kyoñ dil meñ bhalā utre the

ishq ne DaañT ke phir ham ko nikālā bāhar

ham zamāne ke masā.il meñ zarā utre the

tab ye lagtā thā ki phir dil na lagā.eñge kabhī

ham bhī is khel meñ jab pahlī dafa utre the

hae kya log the jo ban ke dua utre the

aur ek hum hain zamane mein KHafa utre the

hum ko malum na tha is ki saza hoti hai

hum mohabbat ki kasauTi pe khara utre the

hum ne jab saf kaha tha ki andhera hai yahan

aap sar phoDne kyon dil mein bhala utre the

ishq ne DanT ke phir hum ko nikala bahar

hum zamane ke masail mein zara utre the

tab ye lagta tha ki phir dil na lagaenge kabhi

hum bhi is khel mein jab pahli dafa utre the