haal-e-dil kahne ki sai-e-raigan mein rah gae

hāl-e-dil kahne kī sa.ī-e-rā.igāñ meñ rah ga.e

uljhe kuchh alfāz meñ ham kuchh bayāñ meñ rah ga.e

ḳhauf-o-ġhusse ke sivā khāne ko kyā ham ko milā

rahne ko mehmāñ tire dilkash jahāñ meñ rah ga.e

shāh-nāme aur sikandar-nāme tak duniyā ga.ī

mubtadī the ham gulistāñ-bostāñ meñ rah ga.e

zindagī kī ibtidā ishq-e-butāñ se ham ne kī

baḌh sake aage na kuchh ishq-e-butāñ meñ rah ga.e

ye na sochā ranj dene meñ haiñ donoñ ek se

imtiyāz-e-dostān-o-dushmanāñ meñ rah ga.e

haal-e-dil kahne ki sai-e-raigan mein rah gae

uljhe kuchh alfaz mein hum kuchh bayan mein rah gae

KHauf-o-ghusse ke siwa khane ko kya hum ko mila

rahne ko mehman tere dilkash jahan mein rah gae

shah-name aur sikandar-name tak duniya gai

mubtadi the hum gulistan-bostan mein rah gae

zindagi ki ibtida ishq-e-butan se hum ne ki

baDh sake aage na kuchh ishq-e-butan mein rah gae

ye na socha ranj dene mein hain donon ek se

imtiyaz-e-dostan-o-dushmanan mein rah gae