haal-e-dil yar ko sunana kya

hāl-e-dil yaar ko sunānā kyā

ro ke ḳhud us ko bhī rulānā kyā

khā rahe ho qasam javānī kī

is javānī kā hai Thikānā kyā

lenā āThoñ pahar tumhārā naam

saarī duniyā ko bhuul jaanā kyā

mere dil hī meñ jab basā hai vo

phir bhī us kī galī meñ jaanā kyā

aaj haiñ dost aur kal dushman

aise logoñ kā dostāna kyā

khul gayā jab ki bevafā hai vo

phir use aur āzmānā kyā

biij bote haiñ log nafrat ke

uTh gayā pyaar kā zamānā kyā

jin kī yādoñ se un kī yaad aa.e

vo jafā.eñ bhī bhuul jaanā kyā

gar nahīñ haiñ ye khel ulfat ke

rūThnā kyā hai aur manānā kyā

dil meñ phir gudgudī lagī uThne

fasl-e-gul kā hai ye zamānā kyā

qatl-o-ġhārat hai ashk-bārī hai

dekhā jaatā hai ye zamāna kyā

ġham-e-daurāñ hī kam na thā ai dil

ab ġham-e-ishq bhī uThānā kyā

ḳhud-baḳhud jhuk rahā hai sar 'ālam'

aa gayā us kā āstānā kyā

haal-e-dil yar ko sunana kya

ro ke KHud us ko bhi rulana kya

kha rahe ho qasam jawani ki

is jawani ka hai Thikana kya

lena aaThon pahar tumhaara nam

sari duniya ko bhul jaana kya

mere dil hi mein jab basa hai wo

phir bhi us ki gali mein jaana kya

aaj hain dost aur kal dushman

aise logon ka dostana kya

khul gaya jab ki bewafa hai wo

phir use aur aazmana kya

bij bote hain log nafrat ke

uTh gaya pyar ka zamana kya

jin ki yaadon se un ki yaad aae

wo jafaen bhi bhul jaana kya

gar nahin hain ye khel ulfat ke

ruThna kya hai aur manana kya

dil mein phir gudgudi lagi uThne

fasl-e-gul ka hai ye zamana kya

qatl-o-ghaarat hai ashk-bari hai

dekha jata hai ye zamana kya

gham-e-dauran hi kam na tha ai dil

ab gham-e-ishq bhi uThana kya

KHud-baKHud jhuk raha hai sar 'alam'

aa gaya us ka aastana kya