haal kya puchhte ho soKHta-samani ka

haal kyā pūchhte ho soḳhta-sāmānī kā

daaġh sarmāya huā zindagī-e-fānī kā

ġharq-e-dariyā-e-nidāmat huā tūmār-e-jurm

ye to adnā sā karishma hai pashemānī kā

ba.ad-e-murdan jo anāsir mire bikhre yā-rab

uqda hal ho gayā hastī kī pareshānī kā

sang-e-dar ba.az ne sang-e-dar-e-maqsad samjhā

ye sila ham ko milā aap kī darbānī kā

dekh kar merī pareshānī-e-tahrīr kahā

ye muraqqa.a hai yaqīnan kisī dīvānī kā

haal kya puchhte ho soKHta-samani ka

dagh sarmaya hua zindagi-e-fani ka

gharq-e-dariya-e-nidamat hua tumar-e-jurm

ye to adna sa karishma hai pashemani ka

baad-e-murdan jo anasir mere bikhre ya-rab

uqda hal ho gaya hasti ki pareshani ka

sang-e-dar baz ne sang-e-dar-e-maqsad samjha

ye sila hum ko mila aap ki darbani ka

dekh kar meri pareshani-e-tahrir kaha

ye muraqqa hai yaqinan kisi diwani ka