haal puchhe jo koi mera bata bhi na sakun

haal pūchhe jo koī merā batā bhī na sakūñ

kyā qayāmat hai ki maiñ hoñT hilā bhī na sakūñ

uf ye majbūrī-e-ayyām kā aalam hamdam

rah-guzārān-e-shab-e-ġham ko jagā bhī na sakūñ

ai junūñ haif mirī soḳhta-sāmānī par

vaqt ko maut kī tā۔bīr batā bhī na sakūñ

sochtā huuñ ravish-e-ḳhām pe mātam kar luuñ

bijliyāñ aa.eñ to siine se lagā bhī na sakūñ

Thahar jā gardish-e-daurāñ ki maiñ aisā to nahīñ

barq kī zad ye nasheman jo banā bhī na sakūñ

ab to allāh nigahbāñ hai vafā keshoñ kā

choT khaa.ī hai kuchh aisī ki dikhā bhī na sakūñ

dil-shikasta huuñ bahut gardish-e-daurāñ hai magar

us se kaT kar koī kāshāna banā bhī na sakūñ

kitnī majbūrī hai ai dost ki ġham-ḳhvāroñ ko

ġham-e-ayyām kī tafsīl batā bhī na sakūñ

kitnī bāteñ haiñ sunāne kī magar ai 'nāzish'

haa.e chāhūñ jo sunānā to sunā bhī na sakūñ

haal puchhe jo koi mera bata bhi na sakun

kya qayamat hai ki main honT hila bhi na sakun

uf ye majburi-e-ayyam ka aalam hamdam

rah-guzaran-e-shab-e-gham ko jaga bhi na sakun

ai junun haif meri soKHta-samani par

waqt ko maut ki ta۔bir bata bhi na sakun

sochta hun rawish-e-KHam pe matam kar lun

bijliyan aaen to sine se laga bhi na sakun

Thahar ja gardish-e-dauran ki main aisa to nahin

barq ki zad ye nasheman jo bana bhi na sakun

ab to allah nigahban hai wafa keshon ka

choT khai hai kuchh aisi ki dikha bhi na sakun

dil-shikasta hun bahut gardish-e-dauran hai magar

us se kaT kar koi kashana bana bhi na sakun

kitni majburi hai ai dost ki gham-KHwaron ko

gham-e-ayyam ki tafsil bata bhi na sakun

kitni baaten hain sunane ki magar ai 'nazish'

hae chahun jo sunana to suna bhi na sakun