haalanki kam nahin jo mere aas-pas hain

hālāñki kam nahīñ jo mire ās-pās haiñ

kin se nibhā.ī jaa.e ki ham kin ko raas haiñ

tum kyā ga.e ki haa.e zamāne guzar ga.e

ghar ke ye bām-o-dar haiñ ki ab tak udaas haiñ

ham ḳhuub jānte haiñ banāvaT mizāj kī

ahbāb sochte haiñ ki ham bad-havās haiñ

ham bhāñpte haiñ nuqta-e-bātil meñ mudda'ā

tere ḳhutūt meñ to ka.ī iqtibās haiñ

vo DhūñDte phireñge shikāyat ḳhutūt meñ

qāsid ḳhamosh rahnā vo mā’nī-shanās haiñ

haalanki kam nahin jo mere aas-pas hain

kin se nibhai jae ki hum kin ko ras hain

tum kya gae ki hae zamane guzar gae

ghar ke ye baam-o-dar hain ki ab tak udas hain

hum KHub jaante hain banawaT mizaj ki

ahbab sochte hain ki hum bad-hawas hain

hum bhanpte hain nuqta-e-baatil mein mudda'a

tere KHutut mein to kai iqtibas hain

wo DhunDte phirenge shikayat KHutut mein

qasid KHamosh rahna wo ma’ni-shanas hain