haalat apne zar na baghat KHushnuma

hālāt apne zaar na bāġhāt ḳhushnumā

tujh se bichhaḌ ke ho ga.e ma.azūl ḳhush-adā

vaqt-e-zavāl aaya to pur-ḳhār ban gayā

vo lahja-e-shagufta vo andāz-e-dil-rubā

phailī hai chaar sū yahāñ ġhamnāk siyāhī

ai rahbarān-e-shauq rah-e-tīragī miTā

bazm-e-ḳhayāl yuuñ to bahut tābnāk thī

lekin darūn-e-dil kā añdherā na miT sakā

khultā nahīñ hai shāḳh-e-duā par koī samar

ai baḳht ke amiiñ tū koī mo.ajiza dikhā

ab paar kaise aa.eñ batā rahnumā-e-vaqt

kashtī hai āb-ġharq to sotā hai nāḳhudā

tā-umr jis ke saath 'hirā' gāmzan rahe

vo shaḳhs kah rahā hai hameñ aaj be-navā

haalat apne zar na baghat KHushnuma

tujh se bichhaD ke ho gae mazul KHush-ada

waqt-e-zawal aaya to pur-KHar ban gaya

wo lahja-e-shagufta wo andaz-e-dil-ruba

phaili hai chaar su yahan ghamnak siyahi

ai rahbaran-e-shauq rah-e-tiragi miTa

bazm-e-KHayal yun to bahut tabnak thi

lekin darun-e-dil ka andhera na miT saka

khulta nahin hai shaKH-e-dua par koi samar

ai baKHt ke amin tu koi moajiza dikha

ab par kaise aaen bata rahnuma-e-waqt

kashti hai aab-gharq to sota hai naKHuda

ta-umr jis ke sath 'hira' gamzan rahe

wo shaKHs kah raha hai hamein aaj be-nawa