han bana apni jalwa-gah mujhe

haañ banā apnī jalva-gāh mujhe

log terā kaheñ gavāh mujhe

koī kyoñ pūchhtā nahīñ un se

kis ne dī fursat-e-gunāh mujhe

mere dil se bachā.iyo lillāh

kar na de ye kahīñ tabāh mujhe

guzre tūfān se nahīñ vo magar

jo samajhte haiñ musht-e-kāh mujhe

ḳhud hī kar ke mujhe bahisht-badar

ḳhāk-dāñ kī dikhā.ī raah mujhe

yaad se terī kar na deñ ġhāfil

dost ahbāb māl-o-jāh mujhe

merī aadat nahīñ balā-noshī

mast kartī hai ik nigāh mujhe

har qadam go hai hausla-farsā

tai karā.egā shauq-e-rāh mujhe

be-hayāoñ se be-vafāoñ se

kuchh zarūrī nahīñ nibāh mujhe

han bana apni jalwa-gah mujhe

log tera kahen gawah mujhe

koi kyon puchhta nahin un se

kis ne di fursat-e-gunah mujhe

mere dil se bachaiyo lillah

kar na de ye kahin tabah mujhe

guzre tufan se nahin wo magar

jo samajhte hain musht-e-kah mujhe

KHud hi kar ke mujhe bahisht-badar

KHak-dan ki dikhai rah mujhe

yaad se teri kar na den ghafil

dost ahbab mal-o-jah mujhe

meri aadat nahin bala-noshi

mast karti hai ek nigah mujhe

har qadam go hai hausla-farsa

tai karaega shauq-e-rah mujhe

be-hayaon se be-wafaon se

kuchh zaruri nahin nibah mujhe