han kya kaha ki ghair se ulfat bhi kuchh nahin

haañ kyā kahā ki ġhair se ulfat bhī kuchh nahīñ

ye sach agar hai phir mujhe hujjat bhī kuchh nahīñ

shurb-e-mudām kī mujhe aadat bhī kuchh nahīñ

aur koī yuuñ pilā.e to nafrat bhī kuchh nahīñ

phir tum se aa ke milte bhī haiñ roz roz vo

ġhairoñ se tum ko rabt-o-mohabbat bhī kuchh nahīñ

honā jo thā vo ho chukā jaatī thī jaañ ga.ī

aane kī tere ab to zarūrat bhī kuchh nahīñ

dekhā jise hasīn bas us par phisal paḌe

sach kahte ho ki aisī tabī.at bhī kuchh nahīñ

nāseh na bak fuzūl chalā jā na muñh khulā

tū sun le mujh se terī haqīqat bhī kuchh nahīñ

har roz chheḌ chheḌ ke kuchh tazkira bhī hai

aur duḳht-e-raz pe shaiḳh kī niyyat bhī kuchh nahīñ

naale ko sirf muñh se nikalne kī der thī

dekhā to āsmāñ kī haqīqat bhī kuchh nahīñ

terī vajah se parda-e-māshūq faash ho

ai shohrat-e-junūñ tujhe ġhairat bhī kuchh nahīñ

itnā to hai ki tujh se vo kuchh ḳhush nahīñ 'fahīm'

yuuñ tere naam se unheñ nafrat bhī kuchh nahīñ

han kya kaha ki ghair se ulfat bhi kuchh nahin

ye sach agar hai phir mujhe hujjat bhi kuchh nahin

shurb-e-mudam ki mujhe aadat bhi kuchh nahin

aur koi yun pilae to nafrat bhi kuchh nahin

phir tum se aa ke milte bhi hain roz roz wo

ghairon se tum ko rabt-o-mohabbat bhi kuchh nahin

hona jo tha wo ho chuka jati thi jaan gai

aane ki tere ab to zarurat bhi kuchh nahin

dekha jise hasin bas us par phisal paDe

sach kahte ho ki aisi tabiat bhi kuchh nahin

naseh na bak fuzul chala ja na munh khula

tu sun le mujh se teri haqiqat bhi kuchh nahin

har roz chheD chheD ke kuchh tazkira bhi hai

aur duKHt-e-raz pe shaiKH ki niyyat bhi kuchh nahin

nale ko sirf munh se nikalne ki der thi

dekha to aasman ki haqiqat bhi kuchh nahin

teri wajah se parda-e-mashuq fash ho

ai shohrat-e-junun tujhe ghairat bhi kuchh nahin

itna to hai ki tujh se wo kuchh KHush nahin 'fahim'

yun tere nam se unhen nafrat bhi kuchh nahin