han tera mera fasla itna zarur tha

haañ terā merā fāsla itnā zarūr thā

dil ke qarīb ho ke nigāhoñ se duur thā

sach bolne kī kis meñ hai himmat jo sach kahe

sab jānte haiñ aadmī vo be-qusūr thā

us ne girā diyā thā magar maiñ sañbhal gayā

dīvāngī meñ bhī mujhe kitnā shu.ūr thā

maiñ apne ghar meñ aate hī TukḌoñ meñ baT gayā

kitnā thakā huā thā badan chūr-chūr thā

kyā pūchhte ho haal dil-e-nā-tavāñ kā ab

ik zarra us kī chashm-e-ināyat se tuur thā

manzar to āftāb se pahle bhī thā hasīñ

kaase meñ sub.h ke mirī rātoñ kā nuur thā

'sābir' ye kis kā raat ko dīdār ho gayā

TuuTā jo ḳhvāb mujh meñ ajab hī surūr thā

han tera mera fasla itna zarur tha

dil ke qarib ho ke nigahon se dur tha

sach bolne ki kis mein hai himmat jo sach kahe

sab jaante hain aadmi wo be-qusur tha

us ne gira diya tha magar main sanbhal gaya

diwangi mein bhi mujhe kitna shuur tha

main apne ghar mein aate hi TukDon mein baT gaya

kitna thaka hua tha badan chur-chur tha

kya puchhte ho haal dil-e-na-tawan ka ab

ek zarra us ki chashm-e-inayat se tur tha

manzar to aaftab se pahle bhi tha hasin

kase mein subh ke meri raaton ka nur tha

'sabir' ye kis ka raat ko didar ho gaya

TuTa jo KHwab mujh mein ajab hi surur tha