haar kar hijr-e-na-tamam se hum
haar kar hijr-e-nā-tamām se ham
chupke baiThe hue haiñ shaam se ham
kaise itrā rahe haiñ apnī jagah
ho ke mansūb un ke naam se ham
bas ki dīvāna hī kaheñge log
āshnā haiñ mazāq-e-ām se ham
un kī āñkhoñ ko jaam kah to diyā
ab nigāheñ laḌā.eñ jaam se ham
ruḳh pe zulfeñ bikhere aa jaao
lau lagā.e hue haiñ shaam se ham
naam kyuuñ leñ kisī ke kūche kā
ik jagah jā rahe haiñ kaam se ham
un ko paanā hai kis liye 'mahshar'
baaz aa.eñ ḳhayāl-e-ḳhām se ham
haar kar hijr-e-na-tamam se hum
chupke baiThe hue hain sham se hum
kaise itra rahe hain apni jagah
ho ke mansub un ke nam se hum
bas ki diwana hi kahenge log
aashna hain mazaq-e-am se hum
un ki aankhon ko jam kah to diya
ab nigahen laDaen jam se hum
ruKH pe zulfen bikhere aa jao
lau lagae hue hain sham se hum
nam kyun len kisi ke kuche ka
ek jagah ja rahe hain kaam se hum
un ko pana hai kis liye 'mahshar'
baz aaen KHayal-e-KHam se hum
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
