hasil dawam kab hai bhala ab dawam ko

hāsil davām kab hai bhalā ab davām ko

ham ki taraste rahte haiñ un ke salām ko

nīlām ho rahā hai adab bhī adiib bhī

phailā.eñ shahr shahr meñ ab is payām ko

talvār kā vajūd hai talvār-zan ke saath

me.aar mat banā.iye ḳhālī niyām ko

be-shak ye baune ġhālib-e-daurāñ kaheñ tumheñ

maiñ jāntā huuñ ḳhuub tumhāre maqām ko

pahuñchī hai ab zamīr-faroshī uruuj par

jī chāhtā hai aag lagā duuñ kalām ko

muftī adab ke diin ke muftī se kab alag

kaise halāl karne lage haiñ harām ko

aarī jo adl se ho adālat se duur ho

dozaḳh rasīd kījiye aise imaam ko

e.azāz ab adab kā nahīñ chāhiye mujhe

rakhiye muaaf bahr-e-ḳhudā is ġhulām ko

ab naam par adab ke tijārat adab kī hai

'safdar' havā na dījiyegā intiqām ko

hasil dawam kab hai bhala ab dawam ko

hum ki taraste rahte hain un ke salam ko

nilam ho raha hai adab bhi adib bhi

phailaen shahr shahr mein ab is payam ko

talwar ka wajud hai talwar-zan ke sath

mear mat banaiye KHali niyam ko

be-shak ye baune ghaalib-e-dauran kahen tumhein

main jaanta hun KHub tumhaare maqam ko

pahunchi hai ab zamir-faroshi uruj par

ji chahta hai aag laga dun kalam ko

mufti adab ke din ke mufti se kab alag

kaise halal karne lage hain haram ko

aari jo adl se ho adalat se dur ho

dozaKH rasid kijiye aise imam ko

eazaz ab adab ka nahin chahiye mujhe

rakhiye muaf bahr-e-KHuda is ghulam ko

ab nam par adab ke tijarat adab ki hai

'safdar' hawa na dijiyega intiqam ko