hasil-e-jaan maut hai aage safar kuchh bhi nahin

hāsil-e-jāñ maut hai aage safar kuchh bhī nahīñ

dhuñdh āñkheñ dhuñdh duniyā tā-nazar kuchh bhī nahīñ

har ta.alluq kā natīja lā-ta.alluq hai agar

zindagī phir tujh se paayā umr bhar kuchh bhī nahīñ

sabr himmat aas jugnū Thokareñ dushvāriyāñ

jab sabhī raḳht-e-safar haiñ to safar kuchh bhī nahīñ

duur mīloñ tak chalī hai mere qadmoñ ke tale

sach kahūñ qadmoñ se aage rahguzar kuchh bhī nahīñ

ishq meñ barbādiyoñ kā kyoñ tumheñ ilzām duuñ

sab mirī hī ġhalatiyāñ hai tere sar kuchh bhī nahīñ

aks-e-ruḳh terā hai shāmil har nazāre meñ mire

tere jalvoñ ke sivā merī nazar kuchh bhī nahīñ

band āñkheñ jab huī sab kuchh nazar aane lagā

is qadar ġhāfil huuñ goyā be-ḳhabar kuchh bhī nahīñ

duur nazroñ tak bichhā hai ik usī kā intizār

jis kī nazroñ meñ kisī kā muntazir kuchh bhī nahīñ

raat din kī gardisheñ aur tanhā tanhā zindagī

vaqt aisā hai shajar jis kā samar kuchh bhī nahīñ

kyā huā kyūñkar huā bejā savāloñ meñ huuñ gum

in savāloñ ke binā 'ulfat' magar kuchh bhī nahīñ

hasil-e-jaan maut hai aage safar kuchh bhi nahin

dhundh aankhen dhundh duniya ta-nazar kuchh bhi nahin

har talluq ka natija la-talluq hai agar

zindagi phir tujh se paya umr bhar kuchh bhi nahin

sabr himmat aas jugnu Thokaren dushwariyan

jab sabhi raKHt-e-safar hain to safar kuchh bhi nahin

dur milon tak chali hai mere qadmon ke tale

sach kahun qadmon se aage rahguzar kuchh bhi nahin

ishq mein barbaadiyon ka kyon tumhein ilzam dun

sab meri hi ghalatiyan hai tere sar kuchh bhi nahin

aks-e-ruKH tera hai shamil har nazare mein mere

tere jalwon ke siwa meri nazar kuchh bhi nahin

band aankhen jab hui sab kuchh nazar aane laga

is qadar ghafil hun goya be-KHabar kuchh bhi nahin

dur nazron tak bichha hai ek usi ka intizar

jis ki nazron mein kisi ka muntazir kuchh bhi nahin

raat din ki gardishen aur tanha tanha zindagi

waqt aisa hai shajar jis ka samar kuchh bhi nahin

kya hua kyunkar hua beja sawalon mein hun gum

in sawalon ke bina 'ulfat' magar kuchh bhi nahin