hath kyun thakne lage hain qatilon se puchhna

haath kyuuñ thakne lage haiñ qātiloñ se pūchhnā

ke bhī kyuuñ boltī haiñ gardanoñ se pūchhnā

tum ne to bas haal hī pūchhā thā mujh bīmār kā

aa ga.e haiñ kyuuñ umañD kar āñsuoñ se pūchhnā

jūjhte rahne kā hai sailāb se mafhūm kyā

kashtiyoñ ko khene vaale māñjhiyoñ se pūchhnā

bhūke bachche ke liye kyā shai hai mamtā kī taḌap

duudh se mahrūm maañ kī chhātiyoñ se pūchhnā

dhuup meñ patjhaḌ kī un kā peḌ se rishta hai kyā

sūkhe DanThal jin ke haiñ un pattiyoñ se pūchhnā

gūñjtī hai ik akele hans kī āvāz kyuuñ

kal mile the jin pe ham in sāhiloñ se pūchhnā

yaad hai ab tak mujhe 'at.har' ki merā baar baar

un ke naqsh-e-pā kahāñ haiñ rāstoñ se pūchhnā

hath kyun thakne lage hain qatilon se puchhna

ke bhi kyun bolti hain gardanon se puchhna

tum ne to bas haal hi puchha tha mujh bimar ka

aa gae hain kyun umanD kar aansuon se puchhna

jujhte rahne ka hai sailab se mafhum kya

kashtiyon ko khene wale manjhiyon se puchhna

bhuke bachche ke liye kya shai hai mamta ki taDap

dudh se mahrum man ki chhatiyon se puchhna

dhup mein patjhaD ki un ka peD se rishta hai kya

sukhe DanThal jin ke hain un pattiyon se puchhna

gunjti hai ek akele hans ki aawaz kyun

kal mile the jin pe hum in sahilon se puchhna

yaad hai ab tak mujhe 'athar' ki mera bar bar

un ke naqsh-e-pa kahan hain raston se puchhna