hath mein apne abhi tak ek saghar hi to hai

haath meñ apne abhī tak ek sāġhar hī to hai

jis ko sab kahte haiñ mai-ḳhāna vo andar hī to hai

daam meñ taa.ir ko le jaatī hai daane kī talāsh

phir bhī mazlūmī-o-mahrūmī muqaddar hī to hai

kaisī kaisī koshisheñ kar leñ miyān-e-jañg bhī

mard-e-maidāñ jo banā hai vo sikandar hī to hai

apne ḳhāliq kī atā par naaz honā chāhiye

jo hasad rakhte haiñ un kā haal abtar hī to hai

ḳhaak ke zarre chamakte haiñ ziyā-e-nūr se

āsmāñ par jo hai vo ḳhurshīd-e-ḳhāvar hī to hai

chhoḌiye buġhz-o-adāvat to samajh meñ aa.e kuchh

jo 'vasīya' ho rahā hai tujh ko bāvar hī to hai

hath mein apne abhi tak ek saghar hi to hai

jis ko sab kahte hain mai-KHana wo andar hi to hai

dam mein tair ko le jati hai dane ki talash

phir bhi mazlumi-o-mahrumi muqaddar hi to hai

kaisi kaisi koshishen kar len miyan-e-jang bhi

mard-e-maidan jo bana hai wo sikandar hi to hai

apne KHaliq ki ata par naz hona chahiye

jo hasad rakhte hain un ka haal abtar hi to hai

KHak ke zarre chamakte hain ziya-e-nur se

aasman par jo hai wo KHurshid-e-KHawar hi to hai

chhoDiye bughz-o-adawat to samajh mein aae kuchh

jo 'wasiya' ho raha hai tujh ko bawar hi to hai