hath mein gar asa nahin hota

haath meñ gar asā nahīñ hotā

bahr meñ rāsta nahīñ hotā

niyyateñ paak agar nahīñ hoñ to

koī sajda adā nahīñ hotā

chaar nazreñ agar nahīñ hotīñ

dard-e-dil yuuñ baḌhā nahīñ hotā

haar jaatā agar maiñ ye baazī

yaar mujh se ḳhafā nahīñ hotā

tum gar apnā ziyāñ nahīñ karte

dūsroñ kā bhalā nahīñ hotā

ishq kī aag gar nahīñ lagtī

is qadar dil jalā nahīñ hotā

ham sañvarne ko bhī taras jaate

rū-ba-rū aa.ina nahīñ hotā

bech dete zamīr apnā jo

zulm mujh par ravā nahīñ hotā

tum adan meñ hī rahte ai 'sārim'

tum se gar vo ḳhafā nahīñ hotā

hath mein gar asa nahin hota

bahr mein rasta nahin hota

niyyaten pak agar nahin hon to

koi sajda ada nahin hota

chaar nazren agar nahin hotin

dard-e-dil yun baDha nahin hota

haar jata agar main ye bazi

yar mujh se KHafa nahin hota

tum gar apna ziyan nahin karte

dusron ka bhala nahin hota

ishq ki aag gar nahin lagti

is qadar dil jala nahin hota

hum sanwarne ko bhi taras jate

ru-ba-ru aaina nahin hota

bech dete zamir apna jo

zulm mujh par rawa nahin hota

tum adan mein hi rahte ai 'sarim'

tum se gar wo KHafa nahin hota