hath mein taswir le kar us sitam-ijad ki

haath meñ tasvīr le kar us sitam-ījād kī

dil meñ ik mash'al jalā.ī ham ne us kī yaad kī

jaise jaise dekhtā huuñ us but-e-nau-ḳhez ko

hasrateñ baḌhtī hī jaatī haiñ dil-e-nāshād kī

ik nazar terī ne luuTā ziist kā sāmāñ mirā

ik tabassum ne tire duniyā-e-dil barbād kī

ik na samjhī ik na maanī ik nazar saanī na kī

laakh piiTā dil-jigar fariyād par fariyād kī

kar diyā pāmāl pā-e-nāz se madfan mirā

ik hasīñ ne is tarah miTTī mirī barbād kī

mere naale sun ke 'arsh-o-farsh bhī hilne lage

kaañp uThī duniyā jo maiñ ne hijr meñ fariyād kī

dāstān-e-ġham mirī sun kar vo farmāne lage

jhuuT sī lagtī haiñ ye bāteñ tirī rūdād kī

ham agar qaid-e-qafas meñ haiñ to is kā ġham nahīñ

ham pe jo guzre so guzre ḳhair ho sayyād kī

jaate jaate is taraf se bhī guzarte jā.iye

rah-guzar se duur kuchh turbat nahīñ 'hammād' kī

hath mein taswir le kar us sitam-ijad ki

dil mein ek mash'al jalai hum ne us ki yaad ki

jaise jaise dekhta hun us but-e-nau-KHez ko

hasraten baDhti hi jati hain dil-e-nashad ki

ek nazar teri ne luTa zist ka saman mera

ek tabassum ne tere duniya-e-dil barbaad ki

ek na samjhi ek na mani ek nazar sani na ki

lakh piTa dil-jigar fariyaad par fariyaad ki

kar diya pamal pa-e-naz se madfan mera

ek hasin ne is tarah miTTi meri barbaad ki

mere nale sun ke 'arsh-o-farsh bhi hilne lage

kanp uThi duniya jo main ne hijr mein fariyaad ki

dastan-e-gham meri sun kar wo farmane lage

jhuT si lagti hain ye baaten teri rudad ki

hum agar qaid-e-qafas mein hain to is ka gham nahin

hum pe jo guzre so guzre KHair ho sayyaad ki

jate jate is taraf se bhi guzarte jaiye

rah-guzar se dur kuchh turbat nahin 'hammad' ki