hath the raushnai mein Dube hue aur likhne ko koi ibarat na thi

haath the raushnā.ī meñ Duube hue aur likhne ko koī 'ibārat na thī

zehn meñ kuchh lakīreñ thiiñ ḳhāka na thā kuchh nishāñ the nazar meñ 'alāmat na thī

zard patte ki āgāh-e-taqdīr the ek zaa.il ta'alluq kī tasvīr the

shāḳh se sab ko honā thā āḳhir judā aisī andhī havā kī zarūrat na thī

ik rifāqat thī zahrīlī hotī huī rāsta muntazir ḳhud dorāhe kā thā

phir vo ik dūsre se judā ho ga.e donoñ chup the ki donoñ ko hairat na thī

ek ārāsta ghar meñ thā kab se maiñ ek sad-barg manzar meñ thā kab se maiñ

merī ḳhātir thiiñ kyā kyā hunar-kāriyāñ ik nazar dekhne kī bhī fursat na thī

aaj rakkhā hai lamha tire haath par lams-e-avval kī lazzat ko mahfūz kar

kal na kahnā falak ḳhush-ta’āvun na thā kal na kahnā zamīñ ḳhūb-sūrat na thī

kitnā paanī bahā le ga.ī hai nadī kitne manzar uḌā le ga.ī hai havā

ik ḳhazāna ki ab tak na ḳhālī huā ik ziyāñ thā ki jis kī shikāyat na thī

ek ik lafz ke sīna-e-zard se fasl-e-sad-rang-e-mā'nī ugānā paḌī

apnī taqdīr meñ koī virsa na thā naam apne koī bhī vasiyyat na thī

hath the raushnai mein Dube hue aur likhne ko koi 'ibarat na thi

zehn mein kuchh lakiren thin KHaka na tha kuchh nishan the nazar mein 'alamat na thi

zard patte ki aagah-e-taqdir the ek zail ta'alluq ki taswir the

shaKH se sab ko hona tha aaKHir juda aisi andhi hawa ki zarurat na thi

ek rifaqat thi zahrili hoti hui rasta muntazir KHud dorahe ka tha

phir wo ek dusre se juda ho gae donon chup the ki donon ko hairat na thi

ek aarasta ghar mein tha kab se main ek sad-barg manzar mein tha kab se main

meri KHatir thin kya kya hunar-kariyan ek nazar dekhne ki bhi fursat na thi

aaj rakkha hai lamha tere hath par lams-e-awwal ki lazzat ko mahfuz kar

kal na kahna falak KHush-ta’awun na tha kal na kahna zamin KHub-surat na thi

kitna pani baha le gai hai nadi kitne manzar uDa le gai hai hawa

ek KHazana ki ab tak na KHali hua ek ziyan tha ki jis ki shikayat na thi

ek ek lafz ke sina-e-zard se fasl-e-sad-rang-e-ma'ni ugana paDi

apni taqdir mein koi wirsa na tha nam apne koi bhi wasiyyat na thi